Veliaj u përgjigjet protestuesve: Boll qyl 28 vjet, nuk ndalemi. Ofrojmë bonus qiraje

Kreu i bashkisë së Tiranë, Erion Veliaj u ka dhënë përgjigje të prerë banorëve protestues që preken nga ndërtimi te Unaza e Re, duke deklaruar prerë se kush nuk ka letra, boll hëngri qyl 28 vjet, ndërkohë që kush ka dokumentet do i marrin lekët kokërr me kokërr.

“Sot dëgjova njerëz që unë e di shumë mirë ku e ka shtëpinë, ai Gjyzi nuk e ka fare shtëpinë aty, bën cirk se një kryetar partie po i afrohet disfatave, Luli është një kalama i llastuar pse me atë do merremi ne”- tha Veliaj, duke shtuar “Dikush që nuk ka rrënjë në këtë qytet, kujt i sulet? Për 28 vite nuk kanë paguar asnjë taksë ata që janë pa letra. Shanset janë zero që kjo betejë të ndalet. 99% e njerëzve duan që qyteti të zhvillohet, të rregullohet trafiku”- tha ai.

“Kush është me letra pronë do i marri kokërr më kokërr, kush ka bërë lavazh i ra qylit 28 vjet tani do bëhet rruga. Kush ka bërë karabina 8 kate dhe të ketë letra, do ia japim. Ca është pa letra prapë, do u japim bonusin e qirasë. Kemi ofruar tre vite qiranë, për ata që nuk kanë asnjë letër që kanë zaptuar tokën e dikujt tjetër në gjurmën e unazës. Pse cdo njeri që erdhi në tiranë kapi një tokë? Jo mo, si gjithë të tjerët”- tha Veliaj, duke leshuar akuza ndaj Bashes.

“Si mund të jenë kaq hajvanë që mendojnë se fitojnë vota duke bllokuar. Njerëzit nuk janë më budallenj, nuk hanë më bar. Eksperienca na tregon që aty ku u bë rruga te Komuna e Parisit aty super fitoi PS, nuk ka sens”- tha ai.

Veliaj u ka bere thirrje demokrateve te distancohen nga kjo dalldi e te mos perdoren mish per top.