Veliaj vijon me “show”-n politik pas dasmës/ Publikon fotot nga martesa e pavlefshme e Kiarës dhe Luizit

Kreu i bashkisë, Erion Veliaj, vijon me “show”-n politik. Sot në rrjetet sociale ai ka publikuar disa foto të shkrepura nga ceremonia martesore e Luiz Ejllit dhe Kiara Titos.

Veliaj i uron çiftit të trashëgohen dhe të jenë të lumtur gjithmonë ashtu siç ishin gjatë mbrëmjes së kaluar.

“Me trashëgime Kiara e Luiz! Ju uroj shumë lumturi, ashtu si mbrëmë, ngaherë! “, shkruan Veliaj.

Këngëtari Luiz Ejlli dhe moderatorja Kiara Tito celebruan mbrëmë lidhjen e tyre 4-mujore në një “show” politik.

Në fakt martesa e tyre nuk ka asnjë vlerë, pasi sipas një dokumenti, në listën e zgjedhësve, Luiz Ejlli rezulton se është banues në Shkodër.

Kështu martesa e tyre është e pavlefshme pasi celebrimi bëhet në bashkinë ku banon.

Ajo që kishte rezervuar televizioni i inceneratorëve ishte një propagandë e radhës për kreun e bashkisë, Erion Veliaj, në prag zgjedhjesh, pasi martesa e Kiarës dhe Luizit nuk ka asnjë vlerë ligjore.

Kështu, Veliaj e vazhdon “show”-n edhe sot duke ndarë me ndjekësit momente të çiftit në një dasmë ku munguan familjarët e Luiz Ejllit.

As nëna e tij, as motra, as kunati nuk ishin prezentë në një ditë të rëndësishme për Luizin, ndërsa ky fakt duket se ka shkaktuar dhe një sërë reagimesh në rrjetet sociale, ku shumica e ndjekësve kanë shpërthyer ndaj këngëtarit duke thënë se si mundi të pranojë të martohet pa pasur asnjë familjar të tijin në ceremoni.