Shkaku i zjarrit në Velipojë, ISHTI jep detajet : Nuk shpërtheu asnjë bombul gazi

Një lokal u përfshi nga flakët ditën e sotme në Velipojë. Ndërsa u dyshua se shkak u bë shpërthimi i një bombule gazi. Sipas Inspektoriati Shtetëror Teknik dhe Industrial bombulat e gazit janë në rregull, asnjë nga prej tyre nuk ka plasur. Pas kqyrjes së vendngjarjes ISHTI është shprehur se në bodrumin e lokalit ka pasur një cisternë 1 mijë litërshe me gaz për përdorim guzhine.

Sipas ISHTI nga kjo cisternë ka rrjedhur gazi, i cili ka shkaktuar edhe shpërthimin në lokal, ndërsa cisterna nuk ka shpërthyer. ISHTI bën me dije se do të mbahen të gjitha procedurat administrative sipas ligjit. Lokali ku ndodhi ngjarja është në pronësi të Seit Fishtës, i cili u transportua në gjendje të rëndë drejt Tiranës.