Vendimi i Gjykatës: Zgjidhet çështja e pronësisë së ‘Top Channel’

Pas një procesi gjyqësor të gjatë më shumë se një vit, Gjykata e Apelit më në fund ka vendosur për pronësinë e aksioneve të “Top Channel” të cilat i kanë kaluar Vjollca Hoxhës dhe fëmijëve të saj.

Vendimi  është dhënë më 21 qershor, pas 6 seancash gjyqësore.

Apeli ka vendosur të pranojë padinë e trashëgimtarëve të të ndjerit Dritan Hoxha, themeluesit të “Top Channel”dhe u ka njohur atyre pronësinë mbi aksionet e televizionit. Kështu, të gjitha aksionet ndahen mes Vjollca Hoxhës, Lorela Hoxhës, Sara Hoxhës, Redia Hoxhës dhe Itan Hoxhës. Sakaq, të paditurit Albert Sino dhe Aurel Baçi, miq të të ndjerit Dritan Hoxha dhe ish-punonjës në “Top Channel”, të cilët kishin në pronësi 60% të aksioneve, pritet ta ankomojnë këtë vendim në Gjykatën e Lartë me rekurs.