Vendimi/ Kaloi vetingun, rihapet hetimi për gjyqtaren e Tiranës

 Trupa gjykuese e Kolegjit të Posaçëm të Apelimit vendosi sot të rihapë hetimin për gjyqtaren e Tiranës Alma Brati, pas ankimit të Komisionerit Publik. Seanca gjyqësore e radhës u caktua më datë 31 Janar 2019.

“Komisioneri Publik ishte sot i pranishëm në Kolegjin e Posaçëm të Apelimit, ku vijoi shqyrtimi i ankimit të paraqitur nga ky institucion kundër vendimit nr. 32, datë 5.7.2018, të Komisionit të Pavarur të Kualifikimit, dhënë për subjektin e rivlerësimit znj. Alma Brati, gjyqtare në Gjykatën e Rrethit Gjyqësor Tiranë. Komisioneri Publik në komentet e tij për provat e depozituara në Kolegjin e Posaçëm të Apelimit nga subjekti i rivlerësimit, u qëndroi shkaqeve të ankimit të parashtruara në seancën e mëparshme duke kërkuar hetim për secilin prej tyre, si dhe cilësimin si persona të lidhur me subjektin e rivlerësimit të të gjithë personave, që kanë ndikuar në rritjen e pasurisë së saj. Trupa gjykuese e Kolegjit të Posaçëm të Apelimit vendosi çeljen e hetimit gjyqësor për shkaqet e ankimit, të parashtruara nga Komisioneri Publik, duke perjashtuar hetimin e pensionit suplementar”, thuhet në njoftim të Komisionerit Publik.

Vlerësimi i KPK

Më 5 Korrik, trupa gjykuese e KPK, e përbërë nga Pamela Qirko, Lulzim Hamitaj dhe Genta Tafa Bungo vendosën konfirmimin në detyrë të Alma Bratit.

Në raportin e ILDKPKI-së, thuhet se Brati nuk ka fshehur pasurinë, dhe nuk është në konflikt interesi. KPK ka hetuar veçmas për pasurinë e gjyqtares dhe nuk ka konstatuar fshehje pasurie, ç’ka përkonte me raportin e ILDKPKI-së.

Ankimimi

Vetem pak pasi KPK rikonfirmoi ne detyre gjyqtaren e Tiranes Brati, erdhi ankimimi i Komisionerit Publik kundër ketij vendimi.

“Komisioneri Publik vlerëson se vendimi nr. 32, datë 5.7.2018, përmban mangësi në hetimin dhe kontrollin e kriterit të pasurisë. Arsyetimi dhe përfundimet e Komisionit, në vështrim të provave të administruara, nuk të krijon bindjen se subjekti i rivlerësimit ka arritur një nivel të besueshëm të vlerësimit të pasurisë, referuar kërkesave të nenit D të aneksit të Kushtetutës dhe ligjit nr. 84/2016”, thuhej ne ankesen e bere.

Ne nje argumentim te gjate, Komisioneri Publik numeronte gjithe problemet, që sipas tij, qe nuk jane marre ne konsiderate lidhur me vleresimin e pasurise se gjyqtares.