“Vetëm arsimi cilësor u shpëton nga call-centerat”, Taulant Muka sërish mes studentëve

Protesta e sotme studentore ka bërë bashkë pedagogë, prindër e qytetarë që mbështesin kauzën studentore.

Edhe ditën e sotme i ardhur nga jashtë vetëm për protestën ka folur Taulant Muka duke motivuar studentët.

Në fjalën e tij, Muka tha:

Rini kjo është protesta që nuk duhet ndalur. Arsimi cilësor është ai që u siguron një punë dinjitoze dhe jo një punë në call center. Çdo parti politike u ka trajtuar si militantë dhe jo si studentë. Sot e gjithë diaspora e intelektualeve është në mbështetjen tuaj, sepse ju jeni e ardhmja, më vonë do mblidhem me disa intelektualë të tjerë për të përpiluar se një reformë cilësore.
Vazhdoni rini, vazhdoni se ju jeni e ardhmja e këtij vendi!”

Kujtojmë që Taulant Muka denoncoi plagjiaturën e zv.ministrit të arsimit, Ervin Demo, i cili u dorëhoq dhe në vend të tij u vu nga Rama pikërisht Muka.

Mirëpo Muka dha dorëheqjen brenda dy javësh, sepse sipas tij nuk mund të punohej në atë institucion të kthyer në një katrahurë.