Video/Dhunë barbare në Shkodër, policia të ndërhyjë menjëherë!

Video e dhunës me armë

Një ngjarje e rëndë është shënuar në Shkodër, ku një grup djemsh kanë hyrë me forcë në lokalin e një qytetari, duke ushtruar dhunë ndaj babait të tij dhe miqve që ndodheshin aty. Autorët më pas kanë thyer kamerat e sigurisë me qëllim që të zhdukin provat dhe janë larguar nga vendngjarja.

Sipas denoncimeve, personat e përfshirë kanë lidhje familjare me një fis të njohur të Shkodrës, gjë që ka rritur frikën dhe pasigurinë e të dhunuarve. Ata kërkojnë mbrojtjen urgjente të Policisë, pasi ndihen të kërcënuar për jetën e tyre.

Qytetarët i bëjnë thirrje institucioneve ligjzbatuese që të mos heshtin përballë dhunës dhe banditizmit, por të ndërhyjnë pa vonesë për të garantuar rendin dhe sigurinë publike.