VIDEO/ Ekipet e shpëtimit mes frikës dhe vështirësive nxjerrin qytetarët e bllokuar nën rrënoja në Turqi

Pamje rrëqethëse janë publikuar në media, nga operacionet e shpëtimit të qytetarëve pas tërmetit shkatërrimtar që goditi Sirinë dhe Turqinë.

Gra, fëmijë e burra të bllokuar vijojnë të shpëtohen edhe pas disa ditësh nga goditja e tërmetit. Ekipet e shpëtimit shihen në rrënoja, ku pamjet tregojnë edhe vështirësinë me të cilën ato përballet për të shpëtuar njerëzit.

Në njërën video shihet një grua e bllokuar, ndërsa sa merr kontakt nga punonjësit e shpëtimit, fytyra  e saj jep shpresë merr një pamje të gëzueshme.

Në një tjetër video dëgjohet kur thërrasin pasi ka situata kur e kanë të vështirë të identifikojnë njerëzit e bllokuar dhe mundohet që nëpërmjet zërit të kuptojnë nëse ka apo jo.

Pas britmave, nga ana tjetër e rrënojave dëgjohet zëri i një djali të vogël që jep shenja jete edhe pas disa ditësh i bllokuar në ndërtesat e shkatërruara.