Video/Socialisti nga Delvina: Po na ndani nga gratë!

Deputeti i Partisë Socialiste, Alket Hyseni, ka qenë në një takim me banorët e Delvinës, teksa i është dashur të dëgjojë ankesat dhe problemet e tyre.

Njëri prej të pranishmëve në sallën ku është zhvilluar mbledhja, e ka kapur në siklet deputetin, teksa thotë se po detyrohen të ndahen edhe nga gratë, për shkak të papunësisë së skajshme që ka kapluar vendin.

Siç duket, papunësia, e cila është ulur këmbëkryq në Delvinë, shkakton drama në familjet e këtij qyteti.

Nuk dihet se cila ka qenë përgjigja e deputetit, i cili me siguri do të jetë ndier i kapur mat dhe pa fjalë të tepërta për të thënë përballë këtij realiteti therës, i cili tregohet në rrëfimin e zotërisë.