‘Stresi’ u arrestua dy ditë më parë nga Policia e Tiranës, pasi u kap me disa persona të tjerë në një lokal të kryeqytetit, duke konsumuar kokainë.
Në dëshminë e tij para uniformave blu, ‘Stresi’ ka pranuar se ka qenë duke konsumuar kokainë, por ka thënë se lënda narkotike nuk ishte e tija.
PAMJET NE GJYKATE
“Report tv” ka publikuar pamjet e Arkimed Lushaj para Gjykatës ku doli për t’u njohur me masën e sigurisë ndaj tij. Sapo vuri re pranin e kamerave, Stresi u mundua të shmangte filmimin, ndërsa seanca për të zgjati vetëm 5 minuta.
Vetë këngëtari nuk bëri asnjë koment para togave të zeza, ndërsa avokati i tij mohoi se Arkimed Lushaj të ketë lidhje me trafikun e narkotikëve, siç e akuzon policia.
