Vidhte portofolat e pacientëve, arrestohet 62 vjeçari nga Kuçova

Në pranga është vënë shtetasi N.L, 62 vjeç, banues në Kuçovë.

Pas një pune  hetimore 1 mujore, u bë i mundur identifikimi dhe kapja e autorit të dyshuar i cili ishte kthyer në një shqetësim për të moshuarit që merrnin shërbimet në Urgjencën e Spitalit Rajonal Fier.

Arrestimi i këtij shtetasi u bë pasi në Urgjencën e Spitalit Rajonal Fier,  ky shtetas dyshohet se në kohë të ndryshme ka kryer disa vjedhje, ku nga puna hetimore e deritanishme është bërë e mundur dokumentimi i tre prej tyre, konkretisht vjedhja e portofolit të  shtetasit G.T., I.D,  dhe A.Gj.

Vijon puna për dokumentimin e rasteve të tjera të vjedhjes të kryera nga ky shtetas.

Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhja”.