Virologu shqiptar nga SHBA: Qytetarët mund të infektohen edhe pas dozës së dytë të vaksinës kundër koronavirusit

Në një intervistë për “Euronews Albania”, Domi tha se e njëjta gjë mund të ndodhë edhe pasi është marrë doza e dytë e vaksinës, ndërsa koha optimale për të fituar imunitetin e nevojshëm është 2 javë pas dozë së dytë.

“Elementi i parë është se mes dy dozave, mbrojtja jo që nuk është 100 për qind, por është shumë më e ulët dhe kjo shkon sipas vendeve që po bëjnë vaksinimin me Pfizer, ku mbrojtja varion nga 30-60 për qind. E njëjta ndodh edhe për dozën e dytë, optimalja është 2 javë pas marrjes së dozës së dytë. Nuk është shqetësues infektimi pas dozës së parë dhe të dytë. Nuk është e pamundur që personat të infektohen edhe pas dozës së dytë”, shpjegoi virologu.

Në fund, Domi tha se vetëm tre vaksina të certifikuara anti-Covid veprojnë njëlloj ndaj variantit të ashtëquajtur britanik, ndërsa e njëjta gjë nuk thuhet për atë brazilian dhe atë të Afrikës së Jugut.