Viroza e gripit merr një tjetër jetë, shënohet viktima e tretë këtë të hënë

Rezultatet përfundimtare të analizave ende nuk kanë dalë, por dyshohet se shkak i vdekjes së një qytetari nga Gramshi është bërë gripi dhe komplikacionet që ka sjëllë viroza.

Shtetasi në fjalë ishte shtruar në spitalin e Sanatoriumit në Tiranë. Në tre ditët e fundit, në këtë spital si pasojë e komplikacioneve që ka sjellë viroza e gripit, kanë vdekur dy persona të tjerë.

Mësohet po ashtu se në spital janë në gjendje të rënduar dhe disa qytetarë të tjerë, ndërsa gripi ka rënduar edhe më shumë situatën.

Nga ana tjetër, viroza e njohur si gripi i derrit është bërë sërish prezentë në Shqipëri dhe dyshimet janë se njëri prej të vdekurve ka qenë pikërisht i infektuar nga virusi..