Vjosa Osmani bisedë ‘kokë më kokë’ me presidentin Trump

Në kuadër të Forumit Ekonomik Botëror në Davos, ku u firmos marrëveshja për ngritjen e Planit të Paqes për Gazën, mes liderëve botërorë të pranishëm ishte edhe presidentja e Kosovës, Vjosa Osmani.

Kosova u përfshi zyrtarisht në këtë nismë pas një ftese të drejtpërdrejtë nga presidenti i Shteteve të Bashkuara të Amerikës, Donald Trump, i cili kërkoi që vendi të jetë pjesë aktive dhe anëtare e planit.

Përpara hedhjes së firmës, Trump dhe Osmani zhvilluan një takim të shkurtër kokë më kokë, që zgjati disa minuta.

Takimi u shoqërua me një shtrëngim duarsh mes dy liderëve, ndërsa më pas presidentja Osmani firmosi dokumentin, duke përfaqësuar zyrtarisht Kosovën në këtë iniciativë ndërkombëtare.