VLORË, DALIN DETAJE NGA PËRPLASJA ME ARMË

Mësohet se disa persona kanë qëlluar me armë duke lënë kështu të vdekur dy persona dhe duke plagosur rëndë një tjetër.

Dyshohet se të shtënat kanë ndodhur pas një sherri të momentit mes disa personave

Ndërkohë bëhet me dije se autorët janë larguar nga vendngjarja me makinë, të cilën e kanë djegur vetëm pas pak minutash.

Paraprakisht dyshohet se viktimat janë dy të rinjtë e identifikuar si A.Rexho dhe A.Hasani, të cilët janë dërguar në morgun e Vlorës, ndërsa i plagosuri A. Sulejmani ndodhet në spital jashtë rrezikut për jetën.

Grupi hetimor në vendngjarje po mbledh provat dhe po punon për zbardhjen e plotë.