Pamje të frikshme nga Vlora/ Mjeti ku udhëtonin burrë e grua bie në humnerë

Një aksident i rëndë ka ndodhur në aksin rrugor Vlorë-Kuç. Një mjet ka rënë në humnerë e për pasojë janë plagosur çifti i bashkëshortëve që udhëtonin në të.

Rreth orës 12:00, në aksin rrugor Vlorë-Kuç, shtetasi K. H., rreth 70 vjeç, duke drejtuar automjetin tip “Opel”, ka humbur kontrollin mbi drejtimin e mjetit dhe mjeti ka dalë nga rruga, duke rënë në një humnerë.

Aksidenti ka lënë të plagosur drejtuesin e automjetit dhe pasagjeren, shtetasen E. H., rreth 65 vjeçe, të cilët u transportuan në spital, për ndihmë mjekësore.