Vodhën kabëll ndriçimi në Rinas, arrestohen 2 persona

Dy persona kanë rënë në pranga ditën e  sotme.

Sipas Fax News dy të arrestuarit akuzohen se kanë vjedhur një kabëll ndriçimi në Rinas.

Ata janë Leonard Prrenjasi dhe Bardhyl Shkreta.

Ngjarja ndodhi në rrugën Rinas-Qafë Kashar, ku u vodhë 122 m kabëll.

NJOFTIMI I POLICISE

Arrestohen 3 shtetas për veprimtarinë kriminale në fushën e vjedhjes.

Zbardhen dhe dokumentohen një sërë vjedhjesh të ndodhura më parë.

Autorët  vidhnin  kabuj elektrik dhe aksesorë automjetesh.

Në vijim të punës për zbardhjen dhe dokumentimin me prova ligjore të vjedhjeve të ndodhura më parë, Shërbimet e Komisariatit të Policisë Vorë kanë bërë të mundur arrestimin e shtetasve :

• Leonard Prenjasi , 37 vjeç, banues në Tiranë.
• Bardhyl Shkreta, 41 vjeç, banues në Tiranë.

Arrestimi i tyre u bë pasi, me datë 10.01.2018 ,në rrugën Rinas – Qaf Kashar,  janë kapur në flagrancë duke vjedhur kabullin përcjellës të energjisë elektrike që shërben për ndriçimin e rrugës së sipërcituar.

Gjatë kontrollit në automjetin   tip “Golf” që drejtohej nga shtetasi Leonard Prenjasi dhe në banesën e shtetasit Bardhyl Shkreta u gjetën dhe  u sekuestruan në cilësinë e provës materiale:

–              122 m kabull, kapuç, doreza, levë, çizme plastike dhe jelekë me shirita fosforishentë.

Gjithashtu në vijim të veprimeve hetimore rezulton se këta shtetas  dyshohen dhe si autor të ngjarjeve:

Më datë 15.10.2017, në rrugën  Rinas –Qaf Kashar, dyshohet se kanë vjedhur nje sasi kabulli elektrik ndrçimi.

Më datën 30.07.2017, në rrugen “Llazi Miha”,  dyshohet të kenë të vjedhur një sasi kabulli telefonik .

Gjihthashtu shërbimet e  Komisariatit nr.4 kanë arrestuar në flagrancë shtetasin :

–              Blerim Meshi, 40 vjeç, banues në Kamëz.

Arrestimi i tij u bë pasi më datë 10.01.2018, rreth orës 00:45, në rrugën e  “Xhanfize Keko”, u kap duke tentuar të vjedhë xhamin e  pasqyrës së mjetit të tipit “Benz”, në pronësi të shtetasit L. K., 47 vjeç, banues në Tiranë.

Gjatë kontrollit fizik iu gjet dhe sekuestrua në cilësinë e provës materiale, një thikë “flutur” dhe një objekt metalik në formë T-je.

Gjithashtu në vijim të veprimeve hetimore rezulton se ky shtetas  dyshohet dhe si autor i ngjarjeve  ndodhura si më poshtë :

–              Më datë 16.12.2017, dyshohet se ka vjedhur dy xhamat e pasqyrave të mjetit tip “Benz”, pronë e shtetases E. S.,

–              Më datë 18.12.2017, në rrugën “Spiro Mitro”, dyshohet se i ka vjedhur dy xhamat e pasqyrave të mjetit tip “BMV”, shtetasit A. A.,

–              Më datë 18.12.2017, në rrugën “Tefta Tashko”, dyshohet se i ka vjedhur dy pasqyrat dhe airbegun e mjetit tip “Benz”, shtetasi R.L.,

–              Më datë 27.12.2017, në rrugën “Dali Ndreu”, dyshohet se ka tentuar të vjedhë kasetofonin e mjetit tip “Benz”, në pronësi të shtetasit Sh.D.

–              Më datë 21.12.2017, tek ish Fusha e Avicionit, dyshohet se i ka vjedhur një çantë shpine, një shumë lekësh, një palë atletë sportive, një kartë krediti dhe një kartë sonxhorno italiane, ne mjetitin tip “Dacia“,në përdorim nga shtetasi F.R.

Policia po vijon punën për zbardhjen e plotë dhe dokumentimin ligjor edge  të tjera vjedhjeve që keta shtetas  dyshohet se mund të kenë  kryer.

Materialet  i’u referuan Prokurorisë së Rrethit Gjyqësor Tiranë për veprime të mëtejshme.