Votim i Shqipërisë në OKB/ Baleta: Qëndrimi i Thaçit i nxituar

Ish-ambasadori i Shqipërisë në OKB, Abdi Baleta ka komentuar qëndrimin e presidentit të Kosovës Hashim Thaçi, në lidhje me votimin e Shqipërisë kundër SHBA.

I ftuar në emisionin “Kjo Javë” në News 24, Baleta shprehet se qëndrimi i Thaçit është i nxituar.

“Mendoj se ky është qëndrim i Thaçit, jo i Kosovës. Ai e përfaqëson shtetin e Kosovës, se është President, por nganjëherë ai flet edhe për shkaqe konjukturale. Nuk duhet ta kishte bërë atë reagim. Ishte i nxituar.”- deklaroi Baleta.

Gjithashtu Baleta tha se u duk sikur goditi Shqipërinë.

“Ai tha unë nuk do ta bëja kurrë këtë gjë, pra votimin, gjë që Shqipëria e bëri. Ne duhet ta marrim më shumë si kundërvënie ndaj Shqipërisë.”- u shpreh ish-ambasadori Abdi Baleta.