Votimi për kreun e Kushtetueses: Tre kandidatet marrin nga tre vota

Ka dështuar edhe raundi i dytë për zgjedhjen e kryetarit të Gjykatës Kushtetuese. Në garë janë tre kandidate, të cilat kanë marrë nga tre vota.

Njoftimi i Gjykates Kushtetuese

Mbledhja e Gjyqtarëve të Gjykatës Kushtetuese, në zbatim të parashikimeve ligjore, zhvilloi sot më 17 shkurt 2023 raundin e dytë të votimit për zgjedhjen e Kryetarit të ri të Gjykatës Kushtetuese.

Në përfundim të procesit të votimit sërish asnjë nga kandidatet nuk mori shumicën ligjore prej të paktën 5 votash. Rezultati i votimit ishte:

1. Fiona Papajorgji – 3 vota

2. Marjana Semini – 3 vota

3. Holta Zaçaj – 3 vota.

Mbledhja e Gjyqtarëve të Gjykatës Kushtetuese ka vendosur të zhvillojë raundin e tretë të votimit në datën 20 shkurt 2023, ora 10:00.