Vrasja e 24-vjeçares në Itali, familjarët akuza dhe kërcënime

“E kanë keqtrajtuar”/ Babai i 30-vjeçarit që vrau gruan në Itali i përgjigjet ish-krushkut: Nusja nuk jetonte me ne. Iu kam bërë 4 shtëpi djemve, nuk i kam lënë pa bukë si ai

Bashkim Toci, babai i 30-vjeçarit Lulzim Toci që vrau dy ditë më parë bashkëshorten e tij, me të cilën kishte dy djem ka folur sot për emisionin “Me zemër të hapur” të autores dhe moderatores Evis Ahmeti në News24.

Ai iu përgjigj akuzave të ish-krushkut, babait të Eleonorës se para se të ikte në Itali e kishin keqtrajtuar dhe trajtuar si hyzmeqare, çfarë kishte sjellë edhe divorcin e çiftit. Bashkim Toci tha se nuk jetonte me djemtë dhe ata ishin të ndarë, ndonëse jo zyrtarisht pavarësisht se paratë ia dërgonin atij.

I pranoni akuzat se e keni keqtrajtuar?

Nuk i pranoj ato akuzat sepse djemtë e mi i kanë lënë këtu 150 mln lekë. Kam tre djem. Deri para se të ndahej nuk kam jetuar me ta.

Pse ua sillnin paratë tuaja?

Unë jam i zoti i shtëpisë. Me letra kam qenë me ta, por kam qenë i ndarë. Deri kur janë ndarë i kanë prurë lekët, më pas jo.

Të tre djemtë punojnë në emigrim dhe paratë ua sjellin juve?

Qëkur jemi ndarë nuk m’i kanë prurë. I kam bërë dy shtëpi. Hajde këtu shihe punën time, jo pallavrat e atij. Ai i ka lënë fëmijët pa bukë. Unë pa bukë nuk i kam lënë as në kohën e Enver Hoxhës, jo më në kohën e Edi Ramës.

Dy shtëpi i kam lënë djalit që vrau gruan, njërin të madhit dhe një jetoj vetë.

I kam lënë dy shtëpi, se ishte një pak më e vjetër dhe i kam nisur tjetër.

Vjehrri i të ndjerës: Gjyshi i Eleonorës na ka kërcënuar se do na vriste!

Vjehrri i Eleonora Toçit, e vrarë nga bashkëshorti i saj Lulzim Toçi në Itali, në një lidhje me  moderatoren Evis Ahmeti tha gjyshi i Eleonorës i kishte kërcënuar.

Ai tha se gjyshi i Eleonorës iu kishte thënë përpara disa muajsh, kur çifti kishte pasur krizë, që “vajzën do ta marrin, ose ndryshe do i vriste”. Bashkim Toçi tha se ka kërkuar mbrojtje nga policia, pasi ka dhe djem të tjerë dhe frikësohet nga hakmarrja e mundshme.

Vjehrri i Eleonora Toçit, Bashkim Toçi:Gjyshi i Eleonorës na ka kërcënuar, ose djali ta marrë ose do ju vrasim me gjithë babë. Mjerë ne dhe atyre që na ka ndodhur kjo histori. Unë nuk e arrij më që të vijë Lulzimi këtu. Pyete pse frikësohem e kam kërkuar mbrojtje? Frikësohem se kam djem të tjerë, prandaj kam kërkuar mbrojtje. Djemtë e tjerë nuk kanë faj, janë mbyllur brenda. Fëmijët e Lulzimit dhe Eleonorës janë shumë mirë.