Vrasja e 28 vjeçarit shqiptar, dyshohet se autori ka qenë vjehrri i tij

Ilir S. nga Koekelare, i cili gjithashtu njihej edhe si Mario S., u gjet i vrarë mbrëmjen e 18 korrikut në qytezën Ijzer, pranë motoçikletës së tij të parkuar.

Për ngjarjen, policia arretsoi vjehrrin e viktimës Stephane V. (54 vjeç), një piktor i pavarur nga Nieuwpoort.

Nga deklaratat e vjehrrit rezultonte se marrëdhënia me dhëndrin nuk ishte e mirë prej vitesh.

Mediat belge sqarojnë se ishte vetë 54 vjeçari që pranoi se kishte pasur një debat me dhëndrin e tij, ditën e vrasjes, por nuk e kishte vrarë ai.

Ekspertiza ka gjetur gjurmë baruti në duart e 54-vjeçarit, çka i ka bindur prokurorët se ai është vrasësi dhe sipas tyre çështja mund të jetë afër përfundimit të saj.

“Analiza e gjurmëve të barutit në krahët e V. ka rezultuar pozitive”, thanë burimet gjyqësore.

Kjo tregon se Stephane V. ishte i pranishëm atë natë kur ndodhën të shtënat. Provat kundër tij vazhdojnë të grumbullohen.