Vrasja e Klodian Rashës/ Kaos në Shqipëri dhe kryeqytet
Protestat për vrasjen e Klodian Rashës kanë përfshirë gjithë territorin e vendit.
Krahas grumbullimit në kryeqytet, një tjetër protest po zhvillohet në Lezhë, ku qytetarë të revoltuar kanë bllokuar autostradën Shkodër-Lezhë.
Kujtojmë që sot më herët një tjetër protestë e dhunshme u zhvillua në Korçë, teksa qytetarët atje sulmuan Bashkinë dhe drejtorinë e Policisë.
Sot ministri i Brendshëm Sandër Lleshaj i paraqiti kryeministrit Rama dorëheqjen e parevokueshme. Kryeministri e ka pranuar dhe i ka dhënë “lamtumirën” me fjalë falenderuese.
Policia e shtetit ka nisur shoqërimet e protestuesve të dalë në qendër të Tiranës për të kërkuar drejtësi për vrasjen e të riut, Klodian Rasha 3 mbrëmje më parë.
Siç shihet edhe nga fotografitë, të ndaluar janë disa të rinj, pjesë e protestës.
Qytetarë kanë goditur me mjete të forta drejt godinave të Kryeministrisë, Ministrisë së Brendshme, por edhe Ministrisë së Financës, duke thyer xhamat dhe i shkaktuar dëmtime të rënda.
Keni një histori? Denonco anonimisht, identiteti juaj mbrohet.
Denonco
