Vrasja në ish-bllok, identifikohet personi që qëlloi

Policia ka identifikuar autorin e ngjarjes së ndodhur mbrëmjen e kaluar në kryeqytet ku një person ka mbetur i vdekur dhe tre të tjerë janë plagosur.

Autori i vrasjes emri i të cilit nuk bëhet i ditur për shkak të hetimeve është ekspert i përdorimit të armëve.

Sipas burimeve paraprake ngjarja ka ndodhur pas një konflikti për motive të dobëta.

Në orët në vijim pritet që policia të dalë në një reagim zyrtar për ngjarjen.

Ndërkohë është sekuestruar në ambientet e Kopshtit Botanik një mjet motorik që dyshohet se ka lidhje me vrasjen e ndodhur mbrëmë në zonën e ish-Bllokut.