Vrasja në Tiranë, VIDEO – FOTO

Është identifikuar viktima e atentatit të ndodhur pasditen e sotme në Tiranë. Burime policore thanë për SYRI.net se ai është Devi Kasmi, 41 vjeç.

Zyrtarisht, policia njoftoi se: Rreth orës 18.44 në sallën operative ka ardhur një telefonate se në rrugën “Kongresi i Manastirit” ka të shtëna me arme.

Menjëherë në vendngjarje kanë shkuar forca të shumta policie ku ka rezultuar se:

Ne një rrugicë që lidhet me rrugën Kongresi i Manastirit, në afërsi të Morgut, është vrare me armë zjarri shtetasi D.K, rreth 40 vjeç.

Janë ngritur pika te shumta kontrolli, si dhe po krihet zona.

Grupi hetimor në vendngjarje po fikson dhe grumbullon çdo provë që mund të çojë në identifikon e autorëve.

Ndërkaq, burime policore thanë se sipas një rindërtimi paraprak të ngjarjes, nisur nga dëshmitë e marra, një motoçikletë me dy persona me skafandra i është afruar 41-vjeçarit dhe drejt tij është qëlluar disa herë me armë zjarri.

Disa persona janë shoqëruar në polici për tu pyetur lidhur me ngjarjen.