Prokuroria e Tiranës kërkon 35 vite burg për Islam Myrtajn, personin që një vit më parë vrau me armë zjarri te Liqeni i Tiranës 62 vjeçarin Haxhi Baçinozi, teksa ky i fundit kishte dalë për ecje me djalin e mitur 14 vjeçar.
Myrtaj ishte shok me Baçinozin, por e vrau me tre plumba kur ky i fundit i kishte kërkuar një borxh që ai i kishte. Autori bashkë me një person tjetër, të veshur me xhupa të zinj, iu afruan me motor viktimës dhe djalit të tij dhe e qëlluan 5 herë, por vetëm tre prej plumbave kanë kapur trupin e Baçinozit.
62-vjeçari u dërgua me shenja jete në spitalin e Traumës, por nuk mundi t’i mbijetojë plagëve të marra dhe ndërroi jetë, ndërkohë djali i mitur i Baçinozit mundi të identifikojë dy atentatorët.
62-vjeçari jetonte prej disa vitesh në Tiranë dhe nuk njihej si një person problematik.
