Vrau nënën e pronarit, gruaja fundos burrin shqiptar me dëshminë në gjyq: Rrobat vinin erë…

Djali i viktimës Rosa Maria Radicci, u nxor nga salla e gjykatës sot dcuke ulëritur “vrasës, vrasës” teksa i drejtohej Ogert Laskës, shqiptarit të arrestuar pasi akuzohet për vrasjen e gruas së moshuar.

E menjëherë pas kësaj, gruaja e të akuzuarit, me lot në sy, iu drejtua burrit të saj, duke i thënë: “Trego të vërtetën”.

Në seancën e sotme gjyqësore, dëshmoi gruaja e të akuzuarit, e cila, duke iu përgjigjur pyetjeve të akuzës dhe mbrojtjes, ka rindërtuar edhe një herë lëvizjet në ditën e ngjarjes, të dielën e 13 nëntorit 2016, dhe në vijim,

Burri i saj u largua nga porti i Barit nje dite pas vrasjes, me 14 nentor, papritmas duke u kthyer në Shqipëri, sepse “ai kishte bërë diçka”, thotë gruaja e tij.

Por një ditë para ajo kishte vënë re disa gjera te cuditshme: një erë e fortë në rrobat që burri i saj kishte veshur kur u largua për rreth 3 orë dhe një plagë të gjakosur në dorën e tij.

Gruaja e tij tha se e kishte marre vesh vdekjen e zonjës Radicci nga lajmet dhe se ishte penduar qe nuk kishte deshmuar me pare.

Në gjyq, teksa kujtoi te moshuaren, e cila ishte nena e pronarit ku punonte shqiptare, tha se “e kisha takuar dhe ajo sillej mirë me fëmijët e mi”.

Shqiptari i akuzuar per vrasje, i cili gjithmonë ka mohuar krimin, arrestua disa javë pas ngjarjes, falë filmimeve të disa kamerave të vëzhgimit që kishte para vilës së viktimës.