WhatsApp, Instagram dhe Facebook jashtë funksionit

WhatsApp, Instagram, dhe Facebook kanë patur  probleme teknike në shumë vende të botës, duke përfshirë edhe Shqipërinë. Mijëra përdorues kanë hasur vështirësi në përdorimin e këtyre platformave për disa minuta. Në Facebook, shumë persona raportuan probleme në ngarkimin e fotove, ndërsa në Instagram ishte e pamundur të ngarkohej një postim. Në WhatsApp, disa përdorues hasën probleme në dërgimin e mesazheve tekstuale. Situata e ndërprerjes së shërbimit u vërejt për një kohë të shkurtër, ndërsa kompanitë përfshirë po punojnë për të zgjidhur këto probleme teknike.