“Wizz Air po na vjedh”, qytetari: Kanë hequr ‘check-in online’, duhet të paguash 45 €‎ në aeroport

Denoncimet e qytetarëve shqiptarë ndaj Wizz Air janë të shumta dhe të vazhdueshme.

Kushtet skandaloze, vonesat aspak normale dhe zhvatja e pasagjerëve janë vetëm disa prej problematikave me të cilat përballen qytetarët shqiptarë që udhëtojnë me këtë linjë ajrore.

Një qytetar i është drejtuar redaksisë tonë për të denoncuar problemin e radhës me të cilin është përballur me këtë linjë. Ai thotë se Wizz Air i ka zhvatur 3 anëtarëve të familjes së tij nga 45 euro për të bërë chek-in.

Ai thotë se kompania nuk jep akses në aplikacionin online dhe i drejton pasagjerët te sportelet në aeorport me qëllim marrjen e parave. Sipas qytetarit, punonjësit e aerportit i kanë marrë babait të tij faturën e klientit. Ai thotë se Wizz Air po ndjek këtë skemë për të zhvatur sa më shumë shqiptarët.