Yamal mesazh Realit para supërsfidës në El Clasico-s

Sensacioni i Barcelonës, Lamine Yamal, i ka vendosur synimet për t’u bërë legjendë e klubit, pavarësisht se ka pranuar se ka pasur nervozizëm përpara përvojës së tij të parë në një ndeshje El Clasico ndaj Real Madridit.

Sulmuesi anësor 17-vjeçar, i cili tashmë ka bërë 64 paraqitje për Barcelonën, duke shënuar 12 gola dhe duke regjistruar 16 asistime, është i vendosur të lërë gjurmë të pashlyeshme në Camp Nou.

“Do të doja të mbahesha mend në historinë e Barçës si një legjendë… do të ishte diçka e pabesueshme të kishe një trashëgimi”, u ka thënë fillimisht Yamal gazetarëve.

Yamal, i cili ende nuk ka shijuar fitoren ndaj Real Madridit në tre ndeshje, pranoi nervozizmin para ndeshjes.

“Nuk kisha qenë nervoz në një ndeshje më parë… por kur hyra në fushë dhe pashë fytyrat e kundërshtarëve, u nervozova pak”, përfundoi ai.

Megjithatë, adoleshenti i kapërceu shpejt nervat e tij dhe tani është i fokusuar në sigurimin e një fitoreje në El Clasico, pasi Barça është në një formë të lartë.

Me një kontratë deri në vitin 2026, Yamal synon të bashkohet me Lionel Messin dhe Ronaldinhon si ikona të Barcelonës.