Zbardhet harta, ja zonat ku do bjerë borë gjatë natës

Sonte gjatë natës, pritet të ketë reshje të dobëta deri mesatare në të gjithë territorin.

Sipas sinoptikanëve, shira pritet të bien në bregdet dhe zonat e ulëta ndërsa reshje dëbore, në zonat malore (kryesisht Juglindje ku priten deri 20 cm dëbore).

“Meteoalb” ka publikuar edhe hartën e reshjeve të borës që pritet të bjerë gjatë natës.

Edhe orët e para të së enjtes, mbeten me vranësira dhe reshje shiu e dëbore në pjesën më të madhe të vendit, por në mëngjes pritet kthjellim gradual i motit, fillimisht në Veri dhe Qendër dhe deri në mesditë, kthjellohen edhe zonat Juglindore.

Pjesa e dytë e së enjtes paraqitet me kthjellime dhe vranësira kalimtare, më të dukshme vranësirat do të jenë në zonat Veriore.