Zbardhet lista e kandidatëve të Komisionit të Rithemelimit për Këshillin Kombëtar të PD: Nga Bleona Qerreti, Rajmonda Bulku, te Rudina Hajdari e Bujar Kapexhiu

Komisioni i Rithemelimit ka bërë publike sot listën e kandidatëve për Këshillin e ri Kombëtar të Partisë Demokratike.

Floriana Garo, drejtoresha e Komunikimit të Komisionit të Rithemelimit bëri të ditur se lista e kandidatëve do të votohet nesër më orën 14:00!

Në Kuvendin Kombëtar sipas Garos do të ketë shumë personalitete dhe figura të njohura të PD-së, ndërkohë që ka lexuar dhe emrat e kandidatëve për Këshillin e ri Kombëtar, ku në total garojnë 420 emra të selisë blu.

Mes emrave të njohur bie në sy kandidatura e Bujar Kapexhiut, Bleona Qerretit, Renis Gjokës, Julian Dedës, Rubens Shimës, Rajmonda Bulkut, Rudina Hajdarit, Salvator Kaçaj, etj.