Zbulohet identiteti i 46-vjeçarit me precedentë penalë që iu bë atentat në Berat

Pasditen e sotme, rreth orës 16:10 u qëllua me armë zjarri në drejtim të një automjeti.

Ngjarja ndodhi në rrugën e fshatit Dushnik, ku shënjestra ishte automjeti i drejtuar nga shtetasi me inicialet A.H, 46 vjeç, banues në Berat. Fatmirësisht nga të shtënat nuk pati të lënduar.

Bëhet fjalë për Altin Halilin, i cili ka precedentë të shumtë penalë.

Gjatë kontrollit të zonës në fshatin Kozare, policia gjeti një automjet të përfshirë nga flakët, i cili dyshohet se i përket autorëve të ngjarjes, të cilët janë nga qarku i Fierit.

Ndërkohë po vijojnë hetimet për të mundësuar zbardhjen e ngjarjes dhe dokumentimin e plotë ligjor të këtij rasti.