Zbulohet skandali në Durrës/ Biznesmeni shet të njëjtën hyrje 10 herë, noterja që firmosi është…

“Ka shitur apartamentet e një pallati disa herë”, është ky denoncimi I bërë nga një qytetar në Durrës për një biznesmen ndërtimesh.

Klodian Kapiti ka denoncuar publikisht biznesmenin Kujtim Kllogjeri dhe noteren Aida Spahiu, e cila ka bërë dokumentacionin duke shitur katër apartamentet në katin e shtatë mbi dhjetë herë.

Pallati 10 katësh me mbi 40 apartamente ndodhet në “Lagjen 5” në Durrës të qytetit të Durrësit.

Denoncuesi Kapiti në një prononcim për “Panorama” deklaron se pasi kanë blerë apartamentin në banesë kanë gjetur persona të tjerë.

“Kemi blere apartamentin dhe gjetëm tjetër familje brenda, e cila gjithashtu është e mashtruar nga bizesmeni. Jemi në konflikt me banorët pasi të gjithë kanë paguar për të njëjtat hyrje, të cilat janë paguar disa herë dhe të gjithë jan me kontrata nga noterja. Këta i kanë shitur nga tre katër herë hyrjet dhe pastaj pronarët përplasen mes tyre” tha Kapiti.

Aida Spahiu është noterja që përpiloi kontratën në rastin e ish hotel Vollgës mes Emiliano Shullazi dhe Ylvi Beqja.