Zëdhënësja e PD Ina Zhupa thotë se kryeministri Rama nuk ka falur asgjë, duke iu referuar njoftimit të kryeminsitrit se patentat dhe makinat e sekuestruara nga Policia do t’ju ktheheshin qytetarëve.
Zhupa thotë se policët vendosën gjoba, sekuestruan makinat dhe patentat e qytetarëve pa asnjë ligj por vetëm duke lexuar statuset në Facebook të kryeministrit Rama. Sipas zëdhënëses së PD, as gjobat e as fashat orare nuk ishin të shkruajtura në ligj dhe të botuara në Fletoren Zyrtare, ndaj qytetarët do t’i merrnin mbrapsht makinat me ankimimin e parë kundër Policisë.
“Rama nuk fal asgje! Gjobat, heqja e patentave edhe sekuestrimi i makines jane masa qe kane nderrmarr policet duke lexuar facebookun e Rames dhe jo ne ligj! Asnje gjobe, asnje mase ndeshkimore nuk ka qene e mbeshtetur ne ligj, fashat orare qe ndryshonin cdo jave nuk kane qene te shkruajtura ne asnje akt normativ dhe ne asnje fletore zyrtare.
Ato vendime do ktheheshin mbrapsh me cdo apelim qe do benin qytetaret! Ato ishin vendime te paligjshme te policise qe mban si kushtetute dhe ligj, statuset edhe videot e Edi Rames. Eshte turpi i tij qe tallet me qytetaret edhe vazhdon komandon nga facebooku”, shkruan Ina Zhupa, zëdhënëse e PD.
