ZERO SHKELJE TË KUSHTETUTËS!

Raporti i Komisionit të Venecias mban datën 29 shtator, ndërsa sot është data 27. I pyetur për këtë datë, zëdhënësi i Presidentit të Republikës, Tedi Blushi, lë të kuptohet se më 29 shtator do të ketë një dokument tjetër

Reagimi i plotë i zëdhënësit të Metës:

Nuk komentojmë asnjë dokument të klasifikuar që na vjen nga institucione të ndryshme, përfshi edhe Komisionin e Venecias.

Aq më tepër që sot është data 27 shtator 2019, ndërsa ky dokument mban datën 29 shtator 2019.

Jemi të paqartë: është “ngatërresë” nga nxitimi, apo në datën 29 shtator 2019 do vijë një dokument tjetër?

Sa i takon çështjes në fjalë, qëndrimi im i mëparshëm është shumë i qartë:

ZERO SHKELJE TË KUSHTETUTËS!

Ish-kryeministri Sali Berisha ka reaguar pas daljes së draftit të Komisionit të Venecias nëse presidenti e ka shkelur Kushtetutën apo jo.

Ka reaguar edhe Ish-kryeministri  Sali Berisha  qe ka shkruan në faqen e tij në Facebook se Rama po bën grusht shteti.

Reagimi i plotë i ish-kryeministrit Sali Berisha:

Edvin Mafia po kryen grusht shteti!

Miq, Komisioni i Venecias ka damkosur si puçist Edvin Mafine dhe narkoparlamentin e tij. Ne opinionin e tij te publikuar sot ky Komision konkludon se: “nuk ka baza per shkarkimin e presidentit”!

Kjo do te thote se Edvin Mafia po kryen grusht shteti!