Zgjedhjet e 14 majit/ Shorti në KQZ cakton të parët në listë ‘Koalicioni Bashkë Fitojmë’

Komisioni Qendror i Zgjedhjeve ka hedhur këtë të enjte shortin për renditjen në fletën e votimit për Këshillat Bashkiakë në zgjedhjet e 14 majit. Kreu i KQZ, Ilirjan Celibashi tha se janë vetëm 3 subjekte politike që kanë paraqitur listën shumëemërore në 61 bashki, si ‘Partia Socialiste’, ‘Koalicioni Bashkë Fitojmë’ dhe ‘Partia Agrare Ambientaliste’ të cilat do të ndajnë numrin nga 1 deri në tre në fletën e votimit.

Të parët që do të renditen në fletën e votimit për Këshillat do të jetë koalicioni ‘Bashkë Fitojmë’, e dyta PS dhe e treta në radhë do të jetë Partia Agrare Ambientaliste.