Zjarri u erdhi te shtëpia, si humbi jetën 64-vjeçari në Gjirokastër

Një banore në fshatin Asim Zeneli në Gjirokastër, ka treguar detaje në lidhje me vdekjen e 64-vjeçarit, Andrea Haxhiaj, si pasojë e asfiksimit.

Në një audio-mesazh për mediat, ajo shprehet se ai ka qenë në oborr të shtëpisë, dhe si pasojë e asfiksimit, ka rënë nga shkallët.

Sipas saj Haxhiaj ka thirrur bashkëshorten që të shkojë ta ndihmojë.

 “Kjo është zona ku ka rënë ai që vdiq, ajo që duket është shtëpia, ai ka qenë në shkallë dhe ra poshtë. Ra gruaja për ta ndihmuar sepse thërriste por nuk ia doli dot as ajo. Ajo u asfiksua, erdhën e mori ambulanca, është në spital në reanimacioni. Burri ra nga lartësia aty.”- shprehet ajo.