Zvërnec/ Makina përplas për vdekje drejtuesin e motorit

Një aksident i rëndë me pasojë vdekje ka ndodhur mëngjesin e sotëm në rrugën që të çon në fshatin Zvërnec në Vlorë.

Mësohet se një automjet ka përplasur për vdekje drejtuesin e motorit. Raportohet se ddrejtuesi i motorit ka ndërruar jetë në vendngjarje, ndërsa shoferi i automjetit është shoqëruar në polici.

Policia ndodhet në vendin e ngjarjes për të zbardhur rrethanat e aksidentit.