Epidemiologu i njohur amerikan Michael Osterholm e kishte paralajmëruar pandeminë e COVID-19 në librin e tij “Kërcënimi më vdekjeprurës”, i botuar në vitin 2017.
Ndërkohë ai ka paralajmëruar edhe njëherë tjetër se bota rrezikon të pushtohet nga “uragani COVID”, për shkak të përhapjes së shpejtë të infeksionit nga variantet e reja të koronavirusit.
“Do të shohim diçka që nuk e kemi parë kurrë. Është njësoj si në një ditë plazhi, kur qielli është i hapur dhe të gjithë po kënaqen. Specialistët e shikojnë uraganin nga larg, por është e vështirë që njerëzit të largohen nga plazhi kur dielli po shkëlqen dhe nuk ka re. Njerëzve thjesht mund t’u thuhet që uragani po afron”, deklaroi Osterholm për NBC.
