12 qershor Ditën e Çlirimit të Kosovës

Sot, Shteti i Kosovës feston Ditën e Çlirimit, 12 qershorin. Presidentja e Republikës së Kosovës, Vjosa Osmani, së bashku me krerë të institucioneve të tjera, do të marrë pjesë në një seri aktivitetesh për ta nderuar këtë ditë të rëndësishme. Aktivitetet përfshijnë homazhe tek varri i Presidentit historik Ibrahim Rugova, homazhe tek varri i veprimtarit Adem Demaçi dhe homazhe në Kompleksin Memorial “Adem Jashari” në Prekaz. Në orën 11:00, Presidentja Osmani gjithashtu do të nderojë ushtarët e NATO-s tek Pllaka Përkujtimore.