21-vjeçari u vra gjatë luftimeve por prindërit nuk e dinë që ai po varrosej

Dymtro Kotenko ishte një i ri që si shumë të tjerë doli në mbrojtje të vendit të tij kur trupat ruse nisën bombardimet mbi Ukrainë.

Ai ishte duke mbrojtur vendin e tij, kur pushtuesit e vranë në moshën 21-vjeçare. Pot kur ai u varros, nuk kishte pranë vetes asnjë familjarë.

Prindërit nuk i dëgjuan plumbat në ajër që u shtënë për nder të tij nga kolegët, nuk e panë as tokën ku u mbulua me dhé arkivoli i tij, e as nuk patën mundësi që të vinin asnjë lule. Me shumë mundësi, prindërit e Kotenkos nuk e dinin që djali i tyre po varrosej atë ditë në varrezat Lychakiv në Lviv të Ukrainës.

Ata ishin 600 milje larg, me dy vëllezërit e tij më të vegjël, pranë qytetit lindor të Sumy, i cili po bombardohej aq rëndë nga forcat ruse saqë ishte shkëputur nga bota e jashtme.

Vetëm dy ditë  pas vdekjes së tij, prindërit e tij morën një telefonatë nga shoku i tij i fëmijërisë Vadym Yarovenko, një ushtar artilerie, i cili u dha lajmin e trishtë.

Kur ai thirri numrin e prindërve të Kotenkos, kishte ende një linjë telefonike funksionale dhe në një bisedë të shkurtër ai u tha atyre se djali i tyre ishte zhdukur. Kur ai u përpoq të telefononte më vonë për funeralin, bombardimi ajror i Sumy ishte përkeqësuar dhe linja nuk ishte më funksionale. Ai vazhdoi të përpiqej, por linja ‘mbeti e vdekur’. Kështu që trupi i Kotenkos u dërgua në Lviv dhe u varros atje pa familjarët, sepse ai ishte i vetmi qytet  i sigurt nga bombardimet.