50 mln euro, ‘ylli’ i Barcelonës pranë transferimit në Serie A

Ivan Rakitic nuk është vetëm një dëshirë e interit por pritet të bëhet realitet gjatë merkatos së verës.

“El Mundo Deportivo” zbulon se drejtuesit “blaugrana” dhe homologët e tyre zikaltër kanë diskutuar për detajet e presin thjesht firmën finale për kalimin e mesfushorit kroat në Serinë A.

Bëhet fjalë për një marrëveshje me vlerë 50 milionë euro, aq sa kampionët e Spanjës e vlerësojnë lojtarin.

Gjithsesi, deri në shtrëngimin e duarve duhet pritur përfundimi i sezonit, pasi Barcelona pret të luajë edhe finalen e Kupës së Mbretit, kundër Valencias.

Kroati ka kërkuar largimin e tij nga “Camp Nou” pasi me mbërritjen e Frenkie de Jog hapësirat e tij limitohen te skuadra katalanasve.