Vlorë/Vrasja e fëmijës , policia jep detaje të reja

Një ngjarje e rëndë ka ndodhur në fshatin Fitore të Vlorës. Një fëmijë ka humbur jetën pasi është qëlluar me armë. Sipas policisë, dyshimet e para janë që 13-vjeçari me inicialet M. A., të jetë vetëqëlluar në mënyrë aksidentale me një pistoletë.  Kanë nisur hetimet për ngjarjen:

Informacion paraprak nga Policia e Vlorës:

Më datë 10.09.2018, rreth orës 16:40, në fshatin Fitore, Vlorë, dyshohet se është vetëvrarë  aksidentalisht me armë zjarri një djalë i mitur me gjeneralitetet M. A., 13 vjeç.  Në momentin e ngjarjes, fëmija ka qenë vetëm duke luajtur në një godinë ngjitur me banesën, ky dyshohet se është vetëvrarë aksidentalisht me armë zjarri tip Pistoletë TT. Grupi hetimor po punon për sqarimin e rrethanave dhe dokumentimin e plotë të ngjarjes.