Nëse humbet Barcelona djali im në shtëpi pas ndeshjes me …

Lionel Messi është futbollist dhe familjar shembullor.

Ai kalon shumë kohë me familjen e tij, madje menjëherë pas ç’do ndeshje, ai kthehet pranë familjes, aty ku gjen bashkëshorten dhe fëmijët e tij.

Megjithatë, kur Barcelona merr rezultate negative, Messin nuk e pret një atmosferë e ngrohtë në shtëpi.

I pari që vrenjtet është djali i tij, Thiago, vetëm 6 vjeç. Ai vërshon në kritika ndaj sulmuesit argjentinas, madje i kërkon dhe llogari për paraqitjen.

Messi rrëfen:

Djemve të mi u pëlqen shumë futbolli. Tiago merr vesh më shumë, sepse është më i madh dhe flet gjithmonë rreth futbollit. E shoh shumë të përfshirë në gjithçka që ndodh në këtë sport. Madje kur humbas ndonjë ndeshje, ai më kritikon.

E ndjek Barcelonën, ndjek kampionatin spanjoll dhe Champions-in. I ndjek të gjitha me pasion. I pëlqen dhe bën pyetje për të kuptuar arsyet pse  unë apo Barcelona nuk kemi fituar. Madje ndonjëherë më vë nota kur gjërat nuk shkojnë ashtu si duhet”.