U dhunuan lojtarët e tij, presidenti i Skënderbeut kërkon Forcat Speciale

Pas dhunimit të tre lojtarëve të Skënderbeut para ndeshjes me Kastriotin ka reaguar edhe Adrian Takaj.

Presidenti i klubit është shprehur se asnjë forcë policie e shtetit apo private nuk ndodhej brenda në stadium.

Ai u shpreh gjithashtu se klubi po mendon të bojkotojë ndeshjen e planifikuar për orën 14:00.

Sipas klubit korçar, Oto John, Kristi Vangjeli dhe Idriz Tioskiç janë dhunuar nga 25 persona të panjohur.

Frika ka pushtuar kampin korçar, teksa në kushte të tilla drejtuesit e Skënderbeut e kanë të pamundur të ruajnë qetësinë brenda ekipit, ndaj kanë kërkuar në stadium praninë e Forcave Speciale.