Kryemadhi pas takimit me Bashën: Qeveria ka në tavolinë pesë propozime për Reformën Zgjedhore. Çdo zvarritje…

Ka përfunduar mbledhja e kryetarit të PD-së, Lulzim Basha me aleatët politikë. Në një prononcim për media, kryetarja e LSI-së, Monika Kryemadhi u shpreh se tashmë opozita po pret reagimin e qeverisë për pesë propozimet e dërguara për Reformën Zgjedhore.

Kryemadhi tha se tashmë është në dorën e qeverisë nëse do të votohet Reforma Zgjedhore, pasi opozita i ka vënë në tavolinë pesë propozime. Çdo zvarritje e ketij procesi, kryetarja e LSI-se tha se behet me qellim nga PS qe te zgjatet sa me shume qendrimi i Rames ne pushtet.

“Këshilli politik nuk mblidhet tani. E ka mbaruar misionin tij sepse opozita po pret reagimin e palës tjetër. Nesër mblidhet komisioni që do të njihet me pesë propozimet e opozitës. Çdo zvarritje që vjen nga mazhornca nuk është e papritshme për ne. Ata atë duan që ta zvarrisin sa më shumë për të zgjatur më shumë qëndrimin e Ramës në pushtet që të vjedhi.

Edhe kalamajve nuk i shkojmë kaq shumë pas avazit me pesë dëshira. Pesë dëshira i kemi vënë në dispozicion Partisë Socialiste”, tha Kryemadhi.