‘Le Iene’ reportazh për shembjen e Teatrit Kombëtar

Shembja e Teatrit Kombëtar në Tiranë ka gjetur hapësirë edhe në mediat ndërkombëtare. Një prej tyre është edhe televizioni i njohur italian, “Italia Uno”, i cili përmes emisionit investigativ “Le Iene” do të transmetojë një reportazh të dedikuar puntatën e nesërme.

“Në Shqipëri që nga sot edhe zyrtarisht ka filluar lufta e pakompromis mes qytetarisë së prirë nga artistët shqiptarë dhe barbarisë, të kryesuar nga Piktori dhe ‘Rilindësit’ e tij.

Dhe asnjëra palë nuk do mund ta fshehë dështimin e vet. Nëse mbi rrënojat e Teatrit Kombëtarë do ndërtohet godina e re e Teatrit Antikombëtar, ajo ngrehinë do jetë përmendore e fitores së barbarisë!

E nëse mbi gërmadhat e Teatrit të deridjeshëm Kombëtar do rindërtohet godina e deridjeshme e tij ashtu siç ishte, kjo do jetë përmendore e fitores së qytetarisë shqiptare.

Pra Tirana e sotme ka dy zgjidhje: o do e rikthejë fytyrën e bukur të saj dhe kujtesën për të shkuarën e lavdishme teatrore, o do bëhet me dy piramidat të tragjedisë dhe turpit të vet – atë të Enverit dhe këtë  të renë të Piktorit!”.