FOTO/ Alarm pranë ambasadës amerikane në Tiranë, gjendet një valixhe

Përditësuar më 6 Tetor 2017, 14:58

Një alarm për një valixhe të dyshimtë pranë Ambasadës së SHBA-së në Tiranë ëhstë dhënë pak minuta më parë.

Kalimtarët dhe policia që ruan ambasadën kanë dhënë alarmin, pasi kanë parë valixhen pranë murit të ambasadës.

Menjëherë është rrethuar zona, ndërsa në vendin e ngjarjes ka shumë forca policie, ndërsa kanë mbërritur dhe forcat xheniere.
Valixhja misterioze pranë Ambasadës amerikane në Tiranë është shpërthyer nga forcat xheniere. Ajo ka rezultuar bosh!

Pasi nga shpërthimi, valixhja thjesht u rrëzua, një xhenier shkoi pranë saj dhe e hapi për të parë se çfarë kishte brenda. Rezultoi që në të nuk kishte asgjë, ç’ka nxiti dhe një lloj sjelljeje nervoze tek xhenjieri që e flaku sërish në tokë.

Ajo ishte vendosur me kujdes pranë murit të ambasadës së SHBA-së në Tiranë.

Ishin rojet që e kanë parë sendin si të dyshimtë dhe menjëherë kanë dhënë alarmin. Forca të shuma policie u angazhuan dhe rrethuan vendin e ngjarjes.