Bëhet me dije se efektivi Ilir Nerguti, i cili shërbente në Drejtorinë e Policisë së Tiranës, ka ndërruar jetë sot në moshën 50-vjeçare.
Babai i dy fëmijëve ishte i prekur me koronavirus dhe ishte shtruar në spitalin Infektiv prej 3 javësh. Fatkeqësisht, nuk ka mundur ta mposhtë virusin.
Tragjedia në familjen Nerguti është e dyfishtë, pasi 15 ditë më parë po nga COVID-19 ka ndërruar jetë edhe i ati i Ilirit.
Ai ishte shtruar po ashtu në Spitalin Infektiv, ndërsa ndërroi jetë në moshën 82-vjeçare dhe vuante nga sëmundje bashkëshoqëruese.
Dedikimet dhe ngushëllimet prekëse nuk kanë munguar nga familjarët dhe miqtë e tij në rrjete sociale.
