Një pacient që e ka kaluar Covid-19, i cili ka qenë i shtruar në Sanatorium, ka bërë një akuzë të rëndë ditën e sotme ndaj spitalit, duke denoncuar kushtet e vështira dhe mënyrën sesi është trajtuar.
Andon Qako ka deklaruar se në dhomën ku qëndronte ai, janë mbytur dy persona të tjerë me Covid-19. Këtë akuzë ai e ka bërë teksa fliste me gazetarin Erion Skëndaj, deklaratë e cila mbetet të verifikohet.
Ai është shprehur se ka bërë denoncim edhe në polici, por nuk i është marrë në konsideratë.
“Në dhomën time ishin dy persona, që i vranë, i mbytën, i akuzoj unë, e them publikisht. Nuk kishte ushqim të mjaftueshëm, në polici nuk mi morën parasysh denoncimet. Unë isha 100 kile, më jepnin ushqimin e atyre që ishin në gjendje të rëndë. Më nxorën para kohe nga spitali, u kurova dhe një muaj më pas në shtëpi”, u shpreh Andon Qako.
